சாலையின் பெயர் தமிழிலும் மலாய் மொழியிலும்.
மலேசியாவின் கேரித் தீவில் நான் எடுத்த ஒரு புகைப்படம் இது. ஒரு சாலையின், பெயர் தமிழிலும் மலாய் மொழியிலும் எழுதப்பட்டிருக்கின்றது. லோரோங் என்பதற்கு சந்து என்று தமிழில் பொருள் சொல்லலாம். இங்கு லோரோங் என்பதில் ங் புள்ளியில்லாமல் இருக்கின்றது :-)
மலேசியாவில் தமிழில் சாலை பெயர் வேறு தீவுகளிலோ பகுதிகளிலோ நான் பார்த்ததில்லை. இத்தீவில் மட்டும் இன்னமும் தமிழில் சாலை பெயர் போடப்பட்டிருப்பது ஒரு முக்கியமான தகவல் தானே! செம்பனை தோட்டத் தொழிலார்களாக காடுகளில் பணி செய்ய 1930களில் தென் தமிழகத்திலிருந்து அதிலும் குறிப்பாக நாமக்கல் பகுதியிலிருந்து வந்த பல தமிழர்கள் அவர்களின் வாரிசுகள் இன்னமும் இத்தீவில் இருக்கின்றார்கள்.
